ഇനി ബാബ രാംദേവിന്റെ റിയാലിറ്റി ഷോയും; പക്ഷേ യോഗയല്ല

യോഗയും സ്വദേശി ഉത്പന്നങ്ങളുമായിരുന്നു ഇതുവരെ ബാബ രാംദേവ് നൽകിയിരുന്നതെങ്കിൽ ഇപ്പോഴിതാ യോഗഗുരുവിന്റെ ഒരു റിയാലിറ്റി ഷോയും. അതും ഇന്ത്യൻ ടെലിവിഷന്റെ ചരിത്രത്തിൽ ഇന്നോളം കാണാത്തൊരു റിയാലിറ്റി ഷോ. പലരും കരുതുന്നപോലെ യോഗയല്ല റിയാലിറ്റി ഷോയുടെ വിഷയം. ഇന്ത്യയിൽ ആദ്യമായിഭക്തിഗാനങ്ങൾക്കായി ഒരുക്കുന്ന റിയാലിറ്റി ഷോയായ ഓം ശാന്തി ഓമിന്റെ പ്രധാന വിധികർത്താവാണ് ബാബ രാംദേവ്. സ്റ്റാർ ഭാരതിയിൽ ഷോ സംപ്രേഷണം ആരംഭിച്ചു. വൈകിട്ടാണ് ഷോ. അപർശക്തി ഖുറാന അവതരിപ്പിക്കുന്ന ഷോയിൽ സോണാക്ഷി സിൻഹ, കനിക കപൂർ, ശേഖർ രവ്ജിയാനി എന്നിവരാണ് മറ്റ് ജഡ്ജിമാർ. ഗുരു കൂൾ എന്നാണ് ഈ ജഡ്ജിമാർ വിശേഷിപ്പിക്കപ്പെടുക. മത്സരാർഥികളെ ഓം എന്ന് ഉച്ചരിച്ചാണ് വിധികർത്താക്കൾ വരവേൽക്കുന്നത്. ആദ്യ എപ്പിസോണിൽ രൺവീർ സിങ്ങായിരുന്നു വിശിഷ്ടാതിഥി. ഭാരത് മാതാ കി ജയ്, വന്ദേ മാതരം എന്ന് ഉച്ചത്തിൽ വിളിക്കണമെന്ന് പരിപാടിയിൽ പങ്കെടുക്കാൻ എത്തുന്നവരോട് രാംദേവ് നിഷ്കർഷിക്കാറുണ്ട്. പതഞ്ജലി യോഗപീഠത്തിൽ വച്ച് നടന്ന ഒഡീഷനിൽ വച്ച് തിരഞ്ഞെടുത്ത പതിനാല് പേരാണ് ഷോയിൽ മാറ്റുരയ്ക്കുന്നത്. മാസ്റ്റർ ഷെഫ്, സ്പ്ലിറ്റ്സ്വില്ല, റോഡീസ് തുടങ്ങിയ ജനപ്രിയ ഷോകൾ നിർമിച്ച കൊളോസിയം മീഡിയയാണ് ഈ റിയാലിറ്റി ഷോയുടെയും നിർമാതാക്കൾ.

from movies and music rss http://ift.tt/2gqwk15
via IFTTT