പ്രഭാസിന്റെ പുതിയ ചിത്രത്തില്‍ തോളോട് തോള്‍ ചേര്‍ന്ന് മോഹന്‍ലാലും

ബാഹുബലിയിൽ പ്രഭാസും റാണ ദഗ്ഗുബട്ടിയും തമ്മിലായിരുന്നു മത്സരം. ബാഹുബലിക്കുശേഷം പ്രഭാസ് വേഷമിടുന്ന സാഹോയിൽ ഒപ്പം നിന്ന് മത്സരിക്കാൻ ഒരുങ്ങുന്നത് മലയാളത്തിന്റെ സ്വന്തം മോഹൻലാലാണ്. തെലുങ്കിലും തമിഴിലുമായി സുജീത്ത് ഒരുക്കുന്ന ബിഗ് ബജറ്റ് ചിത്രമാണ് ആക്ഷൻ ത്രില്ലറായ സാഹോ. ആക്ഷൻ രംഗങ്ങൾ യഥേഷ്ടമുള്ള ചിത്രത്തിൽ ഒരു ചാരന്റെ വേഷമാണ് പ്രഭാസിന്. മോഹൻലാലിന്റെ വേഷം സംബന്ധിച്ച വിശദാംശങ്ങൾ അറിവായിട്ടില്ലെങ്കിലും പ്രഭാസിന്റേതിന് തുല്ല്യമായ കഥാപാത്രം തന്നെയാണ് എന്നതാണ് പുറത്തുവരുന്ന വാർത്തകൾ. ലാലിനും പ്രഭാസിനും ഒപ്പം വൻ താരനിര അണിനിരക്കുന്നുണ്ട് ചിത്രത്തിൽ. ബോളിവുഡ് താരം ശ്രദ്ധ കപൂർ ഇതിലൂടെ തെന്നിന്ത്യയിൽ അരങ്ങേറ്റം കുറിക്കുകയാണ്. ടെലിവിഷൻ അവതരണ രംഗത്തെ ഹോട്ട് സ്റ്റാറായ മന്ദിര ബേദിയുമുണ്ട് ചിത്രത്തിൽ. കൽക്കി എന്നൊരു നെഗറ്റീവ് കഥാപാത്രത്തെയാണ് മന്ദിര അവതരിപ്പിക്കുന്നത്. ജാക്കി ഷ്റോഫ്, മഹേഷ് മഞ്ജരേക്കർ, ചങ്കി പാണ്ഡെ, നീൽ നിതിൻ മുകേഷ്, തമിഴ് താരം അരുൺ വിജയ്, എന്നിവരാണ് മറ്റ് താരങ്ങൾ. കഴിഞ്ഞ വർഷം പുറത്തിറങ്ങിയ ജനത ഗ്യാരേജ്, മനമാന്ത (മലയാളത്തിൽ വിസ്മയം) എന്നിവയുടെ വമ്പൻ വിജയങ്ങൾക്കുശേഷം മോഹൻലാലിന് തെലുങ്കിൽ വൻ ഡിമാന്റാണ്. ഇതാണ് ലാലിനെ പുതിയ ചിത്രത്തിലേയ്ക്കുള്ള വഴി തുറന്നതെന്നാണ് അറിയുന്നത്. പ്രഭാസിനെ ഇന്ത്യൻ സിനിമയുടെ വമ്പൻ താരമാക്കിയ ബാഹുബലിയിലേയ്ക്കും മോഹൻലാലിനെ പരിഗണിച്ചിരുന്നു എന്നൊരു വാർത്ത ഉണ്ടായിരുന്നു നേരത്തെ. ചിത്രത്തിൽ സത്യരാജ് അവിസ്മരണീയമാക്കി കട്ടപ്പയുടെ വേഷമായിരുന്നു രാജമൗലി ലാലിനുവേണ്ടി നീക്കിവച്ചത് എന്നായിരുന്നു സ്ഥിരീകരിക്കാത്ത വാർത്ത. ഈ നഷ്ടം സഹോയിലൂടെ ലാൽ തീർക്കുമെന്ന പ്രതീക്ഷയിലാണ് ടോളിവുഡ്.

from movies and music rss http://ift.tt/2xwE5Xl
via IFTTT