മോഹന്‍ലാല്‍, കമല്‍, വെങ്കിടേഷ്... ആരാണ് മികച്ച അച്ഛന്‍: എസ്തര്‍ പറയും

മലയാളത്തിന്റെ പ്രിയപ്പെട്ട മകളാണ് എസ്തർ. ദൃശ്യം വമ്പൻ ഹിറ്റായപ്പോൾ തമിഴിന്റെയും തെലുങ്കിന്റെയും മകളായി. ഓമനത്തമുള്ള കുഞ്ഞുമകളുടെ വേഷം മാറ്റി വലിയ നായികയാവാൻ ഒരുങ്ങുകയാണ് മോഹൻലാൽ, മമ്മൂട്ടി, കമൽഹാസൻ, വെങ്കിടേഷ് എന്നിവരുടെ മകളായി വെള്ളിത്തിരയിൽ തിളങ്ങിയ എസ്തർ. ഷാജി എൻ കരുൺ ചിത്രത്തിലെ കേന്ദ്ര കഥാപാത്രമാവുകയാണ് ഈ വയനാട്ടുകാരി. തന്റെ പുതിയ വിശേഷങ്ങൾ മാതൃഭുമി ഡോട്ട് കോമുമായി പങ്കുവയ്ക്കുകയാണ് എസ്തർ. ഷാജി എൻ കരുണിന്റെ ഓൾ ഷാജി എൻ കരുൺ സംവിധാനം ചെയ്യുന്ന ഓൾ എന്ന ചിത്രത്തിലാണ് ഞാൻ കേന്ദ്ര കഥാപാത്രത്തെ അവതരിപ്പിക്കുന്നത്. ഓൾ എന്നാൽ അവൾ എന്നാണ് അർഥം. തുളു ഭാഷയാണ് ഓൾ. അതിലെ ടൈറ്റിൽ റോളാണ് എനിക്ക് ലഭിച്ചിരിക്കുന്നത്. ഷൈൻ നിഗമാണ് ചിത്രത്തിലെ മറ്റൊരു പ്രധാന കഥാപാത്രത്തെ അവതരിപ്പിക്കുന്നത്. ചിത്രത്തിന്റെ ഷൂട്ടിങ് തുടങ്ങി കഴിഞ്ഞു. എന്നാൽ സെപ്റ്റംബർ അഞ്ചിന് ശേഷമാണ് എനിക്ക് എത്തേണ്ടത്. തിരുവനന്തപുരം, കണ്ണൂർ, രാജസ്ഥാൻ എന്നിടങ്ങളാണ് ലൊക്കേഷൻ. കേന്ദ്ര കഥാപാത്രമാവുന്ന ഫീൽ ഇല്ല ഇപ്പോൾ ഞാൻ പതിനൊന്നാം ക്ലാസിലാണ് പഠിക്കുന്നത്. ഈ പ്രായത്തിൽ തന്നെ സിനിമയിൽ ലീഡ് റോൾ ചെയ്യാൻ പറ്റിയതിൽ ഏറെ സന്തോഷമുണ്ട്. ബാലതാരത്തിൽ നിന്ന് കേന്ദ്ര കഥാപാത്രമാവുന്നു എന്നൊക്കെയുള്ള ചിന്ത എനിക്ക് വരുന്നത് തന്നെ ആരേലും പറയുമ്പോഴാണ്. സത്യം പറഞ്ഞാൽ അത്തരത്തിലുള്ളവ്യത്യാസങ്ങൾ എനിക്ക് മനസ്സിലാവുന്നില്ല. പിന്നെ നായിക എന്നൊന്നും പറയാനാവില്ല ഇപ്പോൾ ചെയ്യുന്ന കഥാപാത്രം. എന്നാൽ ചിത്രത്തിലെ കേന്ദ്ര കഥാപാത്രമാണ്. ദ്യശ്യത്തിന് ശേഷം മലയാളത്തിൽ കണ്ടില്ലല്ലോ ദ്യശ്യത്തിന് ശേഷം മലയാളത്തിൽ ഒരു ഇടവേള വന്നു എന്നത് സത്യമാണ്. അത് ദ്യശ്യത്തിൻ്റെ തെലുങ്ക്പതിപ്പിൽ അഭിനയിക്കാനായി ഒരു വർഷം വേണ്ടി വന്നു. പിന്നെ തമിഴിൽ പാപനാശം ചെയ്യാനും ഒരു വർഷമെടുത്തു. ഇതൊക്കെയാണ് ഇടവേള വന്നതിൻ്റെ കാരണങ്ങൾ. പിന്നെ മലയാളത്തിൽ ജെമിനി എന്നൊരു ചിത്രം ചെയ്തിരുന്നു. കുറേ കുട്ടികൾക്കൊപ്പംജെമിനി​ ജെമിനിയിൽ കുറേ കുട്ടികൾക്കൊപ്പമാണ് അഭിനയിച്ചത്. കോഴിക്കോട് ദേവഗിരിയിലായിരുന്നു ചിത്രം ഷൂട്ട് ചെയ്തത്. രഞ്ജിയേട്ടനൊപ്പം (രഞ്ജി പണിക്കർ) അഭിനയിച്ചത് ഒരു നല്ല അനുഭവം ആയിരുന്നു. അതിൽ ഞാൻ നന്നായി ദേഷ്യപ്പെട്ട് സംസാരിക്കുന്ന സീനൊക്കെയുണ്ട്. അതിൽ ഞാൻ വളരെ നന്നായി അഭിനയിച്ചു എന്നൊക്കെ പറഞ്ഞ് രഞ്ജിയേട്ടൻ കളിയാക്കിയിട്ടുണ്ട്. അതൊക്കെ ആ ലൊക്കേഷനിലെ അനുഭവങ്ങളായിരുന്നു. പിന്നെ ജെമിനിതീയേറ്ററിൽ വൻ വിജയമായില്ല പക്ഷേ ഇപ്പോഴും ജെമിനിവളരെ ഇഷ്ടപ്പെട്ടു എന്നൊക്കെ പറഞ്ഞ് എനിക്ക് ഒരുപാട് മെസേജുകൾ ലഭിക്കാറുണ്ട്. അത് തീയേറ്ററിൽ കാണാൻ പോവാതിരുന്നത് വലിയ നഷ്ടം ആയന്നൊക്കെ ഒരുപാട് ആളുകൾ പറഞ്ഞിട്ടുണ്ട്. പഠനവും അഭിനയവും ഒന്നിച്ച് കൊണ്ടുപോകുന്നു ഞാൻ സിനിമ മേഖലയിലെത്തിയത് മൂന്നാം ക്ലാസിൽ പഠിക്കുമ്പോഴാണ്. അന്ന് മുതലുള്ള ശീലമാണ് പഠനവും അഭിനയവും ഒന്നിച്ച് കൊണ്ടുപോവുക എന്നത്. പലരും എന്നോട് പറയാറുണ്ട് പഠനം ഒരിക്കലും കളയരുതെന്നൊക്കെ. പക്ഷേ അത് അത്ര ബുദ്ധിമുട്ടുള്ള കാര്യമായി എനിക്ക് തോന്നിയിട്ടില്ല. ട്യൂഷനൊന്നും ഞാൻ പോകാറില്ല. ക്ലാസിലെ നോട്ടുകളൊക്കെ കൂട്ടുകാർ തരാറുണ്ട്. തനിച്ചിരുന്ന് പഠിക്കുകയാണ് പതിവ്. അതാണ് എനിക്കിഷ്ടവും. ദൃശ്യത്തിൽ അഭിനയമാണെന്ന് പോലും തോന്നിയില്ല ദൃശ്യത്തിൽ ലാൽ അങ്കിളിൻ്റെ (മോഹൻലാൽ) മകളായാണ് അഭിനയിച്ചത്. ചിത്രീകരണത്തിൻ്റെ സമയത്ത് എനിക്ക് സ്ക്രിപ്റ്റ് അറിയില്ലായിരുന്നു. അതിനാൽ അഭിനയമാണെന്ന് പോലും തോന്നിയില്ല. വളരെ എൻജോയ് ചെയ്താണ് എല്ലാം ചെയ്തത്. ലാൽ അങ്കിളിനൊപ്പമുള്ള എൻ്റെ രണ്ടാമത്തെ സിനിമയാണ് ദൃശ്യം. ലാൽ അങ്കിൾ വളരെ ഫ്രണ്ട്ലിയാണ്. അങ്കിളിനൊപ്പം അഭിനയിക്കാനും നല്ല രസമാണ്. ജീത്തു അങ്കിളും (ജീത്തു ജോസഫ്) നല്ല രസമാണ്. എൻ്റെ ഗേൾഫ്രണ്ട് ആകുമോ എന്നൊക്കെ ചോദിച്ച് ജീത്തു അങ്കിൾ കളിയാക്കും. എെ ലൗ യു എന്നൊക്കെ പറയും അപ്പോൾ ഞാനും പറയും ലിൻ്റ അൻ്റി (ജിത്തു ജോസഫിൻ്റെ ഭാര്യ ലിൻ്റ) പാവമല്ലേ ഡിവോഴ്സ് ചെയ്യണ്ടാ എന്നൊക്കെ. ലിൻ്റ ആൻ്റിയും സെറ്റിലുണ്ടായിരുന്നു. തെലുങ്കിലെത്തിയപ്പോൾ ഒരിക്കലും പ്രതീക്ഷിക്കാതെ ലഭിച്ച വേഷമാണ് തെലുങ്കു ദൃശ്യത്തിലേത്. എനിക്ക് തെലുങ്ക് തീരെ അറിയില്ലായിരുന്നു. പക്ഷേ ഷൂട്ടിങ് കഴിഞ്ഞപ്പോൾ ഞാൻ തെലുങ്ക്പഠിച്ചു. തെലുങ്കിലും എൻ്റെ അമ്മ വേഷം ചെയ്തത് മീന അൻ്റി തന്നെയായിരുന്നു. പിന്നെ ഷൂട്ടിങ് തൊടുപുഴയിൽ തന്നെ ആയിരുന്നു. വിശാഖപട്ടണത്തും ഷൂട്ടിങ് ഉണ്ടായിരുന്നു. ഒരു ടൂർ പോയത്പോലെയാണ് ഷൂട്ടിങ്ങിന് പോയത്. ശരിക്കും ഒരു ഫാമിലി ഫീലിങ് ആയിരുന്നു. കമൽ അങ്കിളിൻ്റെ കോഫി പാപനാശത്തിൽ അഭിനയിച്ചപ്പോൾ ജീത്തു അങ്കിൾ തന്നെയായിരുന്നും സംവിധാനം ചെയ്തത്. കമൽഹാസൽ എന്ന വലിയ നടൻ്റെ കൂടെ അഭിനയിക്കാൻ സാധിച്ചത് വലിയ ഭാഗ്യമായാണ് തോന്നുന്നത്. കമൽ അങ്കിൾ വളരെ ഫ്രണ്ട്ലിയാണ്. അങ്കിളിന് അറിയാത്ത ഭാഷകളില്ലെന്നാണ് എനിക്ക് തോന്നുന്നത്. എപ്പോഴും അങ്കിൾ പാട്ട് പാടിക്കൊണ്ടിരിക്കും. നമ്മൾ എന്തെങ്കിലും ചെയ്യുമ്പോൾ അതുമായി ബന്ധമുള്ള തമാശകളൊക്കെ പറയും അങ്ങനെ നമ്മളെ റിലാക്സ്ഡ് ആക്കും. പിന്നെ പാപനാശത്തിൻ്റെ സെറ്റിൽ എനിക്ക് ഏറ്റവും ഇഷ്ടമുള്ള കാര്യം കമൽ അങ്കിളിൻ്റെ സ്പെഷ്യൽ കോഫിയാണ്. ബ്ലാക്ക് ബെറിയും ഹണിയുമെല്ലാമുള്ള സൂപ്പർ കോഫി. അത് കമൽ അങ്കിൾ തന്നെ ഉണ്ടാക്കിത്തരും. അങ്കിൾ കുടിക്കാൻ ഉണ്ടാക്കുന്ന കോഫിയാണ് ഇടയ്ക്ക് ഒരോരുത്തർക്ക് കൊടുക്കും പക്ഷേ ഞാൻ എന്നും പോയി കുടിക്കാറുണ്ട്. വെങ്കിടേഷ് അങ്കിളിൻ്റെ ഡാൻസ് എൻ്റെ അപ്പ തെലുങ്ക് സിനിമകളുടെ ഫാനാണ്. വളരെ കളർഫുൾ സിനിമകളാണല്ലോ. അതിനാൽ എനിക്കും ഇഷ്ടമാണ്. വെങ്കിടേഷ് അങ്കിളിനോട് ഭയങ്കര ആരാധനയാണ് എനിക്ക്. ഒട്ടു പ്രതീക്ഷിക്കാതെയാണ് അദ്ദേഹത്തിനൊപ്പം അഭിനയിക്കാൻ സാധിച്ചത്. അങ്കിൾ എപ്പോഴും അദ്ദേത്തിൻ്റെ മക്കളുടെ ഫോട്ടോ കാണിക്കും. പിന്നെ ഏറ്റവും രസകരമായ കാര്യം വെങ്കിടേഷ് അങ്കിളിൻ്റെ പഴയ സിനിമകളിലെ ഡാൻസുകൾ ഞാൻ താമാശയാക്കി കളിച്ച് കാണിക്കും. അത് കണ്ട് അങ്കിളിന് നാണം വരും. ആദ്ദേഹം ഒരുപാട് ചിരിക്കും. മോഹൻലാൽ അങ്കിളിനെ ഏറെ ഇഷ്ടം മോഹൻലാൽ അങ്കിളിനൊപ്പം അഭിനയിക്കാൻ എനിക്ക് ഒരുപാട് ഇഷ്ടമാണ്. അദ്ദേഹത്തിൻ്റെ അഭിനയം നോക്കിയിരുന്ന് പോകും. പിന്നെ ഷാരൂഖ് ഖാനെ ഒരുപാട് ഇഷ്ടമാണ്. രണ്ട് സിനിമകളിൽ മോഹൻലാൽ അങ്കിളിൻ്റെ മകളായി അഭിനയിച്ചിട്ടുണ്ട്. അതുകൊണ്ട് തന്നെ എറ്റവും ഇഷ്ടപ്പെട്ട അച്ഛനും ലാലങ്കിൾ തന്നെയാണ്. ഒട്ടേറെ അമ്മമാർ സംവൃത ചേച്ചി, മംമ്ത ചേച്ചി, മീന ആൻ്റി എന്നിങ്ങനെ ഒരുപാട് പേരുടെ മകളായി അഭിനയിച്ചിട്ടുണ്ട്. വളരെ ആക്ടീവ് അയ ആളാണ് മീന ആൻ്റി. എപ്പോഴും ചിരിച്ച് കൊണ്ടിരിക്കും. മീന ആൻ്റിയുടെ ചിരി കേൾക്കാൻ തന്നെ നല്ല രസമാണ്. എസ്തർ പറഞ്ഞ് അവസാനിപ്പിക്കുമ്പോൾ പുതിയ സിനിമയുടെ സന്തോഷത്തിനൊപ്പം മറ്റൊരു സന്തോഷം കൂടിയുണ്ട്. ഒാണക്കാലമെത്തി. അവധി ആഘോഷിക്കാനുള്ള തയ്യാറെടുപ്പിലാണ്. മാതൃഭൂമി ഡോട്ട്കോം ആരാധകർക്ക് ഒാണാശംസകൾ നേരാനും എസ്തർ മറന്നില്ല.

from movies and music rss http://ift.tt/2wW28Rx
via IFTTT