പണ്ട് കുറേ വെറുത്തതാണ്; ഇനി ഇവളെ ചിലപ്പോൾ സ്നേഹിച്ചേക്കും

സുന്ദര വില്ലന്മാർക്ക് ഒട്ടും പഞ്ഞമുണ്ടായിട്ടില്ല സിനിമയിൽ.മലയാളം, തമിഴ്പ്രേക്ഷകർക്ക് മറക്കാനാവാത്ത ഒരു സുന്ദര വില്ലനായിരുന്നു റിയാസ് ഖാൻ. ചെറിയൊരു ഇടവേളയ്ക്കുശേഷം ശ്രദ്ധേയമായൊരു വേഷവുമായി വരികയാണ് റിയാസ് ഖാൻ. പക്ഷേ, ഇക്കുറി പ്രേക്ഷകരെ ഞെട്ടിക്കുന്നത് വില്ലത്തരവും മസിലും കൊണ്ടല്ല, ഒരു കിടിലൻ മേക്കോവർ കൊണ്ടായിരിക്കും. വിളയാട് ആരംഭം എന്ന തമിഴ് ചിത്രത്തിൽ സുന്ദരിയായ സ്ത്രീയായാണ് റിയാസ് എത്തുന്നത്. ഇളം പച്ച നിറത്തിലുള്ള സാരി ഉടുത്ത് രുദ്രാക്ഷം അണിഞ്ഞാണ് ചിത്രത്തിൽ റിയാസ് പ്രത്യക്ഷപ്പെടുന്നത്. ചെമ്പൻ മുടിയുമായി ഒരുങ്ങിയെത്തിയ താരത്തെ തിരിച്ചറിയാൻ പ്രയാസമാണ് എന്നതാണ് വാസ്തവം. മ്മൂട്ടി, ദിലീപ്, ജഗതി, ഇന്നസെന്റ്, ജയറാം കമൽ ഹസൻ, വിക്രം, തുടങ്ങിയവരുടെയൊക്കെ പെൺ വേഷങ്ങൾ ശ്രദ്ധേയമായിരുന്നു. ഈ പെൺവേഷങ്ങളോടാണ് റിയാസ് ഇപ്പോൾ മത്സരിക്കുന്നത്. ഫേസ്ബുക്കിലൂടെ താരം തന്നെയാണ് തൻ്റെ പുതിയ ലുക്ക് പരസ്യമാക്കിയത്. ചിത്രത്തിൻ്റെ ഷൂട്ടിങ്ങ് പുരോഗമിക്കുകയാണ്.

from movies and music rss http://ift.tt/2vOuvNo
via IFTTT