എന്റെ വീട്ടില്‍ ചീങ്കണ്ണിയും പാമ്പും ഒന്നും വന്നിട്ടില്ല, സംഭവം ഇങ്ങനെയാണ്- ബാബു ആന്റണി

ഹാർവി ചുഴലിക്കാറ്റിനെ തുടർന്ന് അമേരിക്കയിലെ ഹൂസ്റ്റണിൽ ദുരിതത്തിലായവരിൽ മലയാളികളുമുണ്ട്. നടൻ ബാബു ആന്റണിയുടെ നഗരത്തിലുള്ള വസതിയിൽ ചീങ്കണ്ണിയും പാമ്പും ഒഴുകിയെത്തിയ വാർത്ത കഴിഞ്ഞ ദിവസം വലിയ ചർച്ചയായിരുന്നു. ബാബു ആന്റണിയുടെ സഹോദരനും നടനുമായ തമ്പി ആന്റണിയുടെ ഫെയ്സ്ബുക്ക് പോസ്റ്റാണ് ചർച്ചകൾക്ക് തുടക്കമിട്ടത്. ബാബു ആന്റണിയും കുടുംബവും സുരക്ഷിത സ്ഥലങ്ങളിലേക്ക് മാറിയെന്നും ഒരു മൈൽ ചുറ്റളവിലുള്ള വീടുകളിൽ പാമ്പും ചീങ്കണ്ണിയും ഒഴുകിയെത്തിയതായി അറിഞ്ഞുവെന്നുമായിരുന്നു തമ്പിയുടെ ഫെയ്സ്ബുക്ക് പോസ്റ്റ്. എന്നാൽ ഇത് ബാബു ആന്റണിയുടെ വീട്ടിലെ സംഭവമായി തെറ്റിദ്ധരിക്കപ്പെട്ടു. തുടർന്നാണ് നടൻ തന്നെ വിശദീകരണവുമായി രംഗത്ത് വന്നത്. രക്ഷാപ്രവർത്തകർക്കും അമേരിക്കയിലെ മാധ്യമങ്ങൾക്കും നന്ദി പറഞ്ഞ ബാബു ആന്റണി ചീങ്കണ്ണി ഒഴുകിയെത്തിയത് തന്റെ വീട്ടിൽ അല്ലെന്ന് പറയുന്നു. എന്റെ വീടിന്റെ വാർത്ത കണ്ട് പലരും വിളിച്ചു. എന്റെ വീട്ടിലല്ല ആ സംഭവം. ഒന്നരമൈൽ മാറിയുള്ള വീട്ടിലാണ്. പക്ഷെ ഇപ്പോൾ അതൊന്നുമല്ല പ്രധാനപ്പെട്ട കാര്യം. ഞാനും എന്റെ കുടുംബവും സുഹൃത്തുക്കളുമെല്ലാം സുരക്ഷിതരാണ്. ദൈവം അനുഗ്രഹിക്കട്ടെ- ബാബു ആന്റണി ഫെയ്സ്ബുക്കിൽ കുറിച്ചു.

from movies and music rss http://ift.tt/2whA2j7
via IFTTT