അവതാരകന്‍ ഉറങ്ങിപ്പോയി; അജയ് ദേവ്ഗണ്‍ ഷോയില്‍ നിന്ന് ഇറങ്ങിപ്പോയി

അവതാരകരോട് ക്ഷോഭിച്ചും പിണങ്ങിയും ടി.വി. ഷോയിൽ നിന്ന് ഇറങ്ങിപ്പോയവരുണ്ട്. ബോളിവുഡ് താരം പ്രശസ്തമായ കപിൽ ശർമയുടെ ഷോയിൽ നിന്ന് ഇറങ്ങിപ്പോയതിന്റെ കാരണം മറ്റൊന്നാണ്. ഷോ ചിത്രീകരിക്കാൻ വൻ സന്നാഹങ്ങളുമായി അജയ് എത്തിയപ്പോൾ സെറ്റിൽ അവതാരകനില്ല. ഇതോടെ ക്ഷുഭിതനായ അജയ് രോഷാകുലനായി ഇറങ്ങിപ്പോവുകയായിരുന്നു. തന്റെ പുതിയ ചിത്രമായ ബാദ്ഷാഹുവിന്റെ പ്രചരണാർഥമാണ് കോമഡി വിത്ത് കപിലിൽ പങ്കെടുക്കാമെന്ന് അജയ് ഏറ്റത്. ഇതിന്റെ ഭാഗമായി ചിത്രത്തിലെ മറ്റംഗങ്ങളായ ഇമ്രാൻ ഹാഷ്മി, ഇല്ല്യാന ഡിക്രൂസ്, ഇഷ ഗുപ്ത എന്നിവർക്കെപ്പമാണ് കാലത്ത് സ്റ്റുഡിയോയിൽ എത്തിയത്. കപിൽ ശർമയെ സെറ്റിൽ കാണാതായതിനെ തുടർന്ന് ഫോണിൽ ബന്ധപ്പെടാൻ ശ്രമിച്ചെങ്കിലും ഫോൺ സ്വിച്ച് ഓഫ് ചെയ്ത അവസ്ഥയിലായിരുന്നു. ഇതിനെ തുടർന്നാണ് അവർ ഇറങ്ങിപ്പോയത്. ഏകദേശം പതിനഞ്ച് മിനിറ്റോളം സെറ്റിൽ കാത്തുനിന്നശേഷമാണ് അവർ ഇറങ്ങിപ്പോയതെന്നാണ് റിപ്പോർട്ട്. തലേദിവസത്തെ ചിത്രീകരണം കഴിഞ്ഞ് വൈകിക്കിടന്ന കപിൽ ശർമ എഴുന്നേൽക്കാൻ വൈകിയതാണ് പ്രശ്നമായതെന്നാണ് മറ്റൊരു റിപ്പോർട്ട്. എന്നാൽ, ഇതാദ്യമായല്ല, കപിൽ ഷോയുടെ ചിത്രീകരണം മുടങ്ങുന്നത്. നേരത്തെ ഭോജ്പുരി ഗായകനും ബി.ജെ.പി. എം.പിയുമായ മനോജ് തിവാരി പങ്കെടുക്കേണ്ടിയിരുന്ന ഒരു ഷോയും ഇതുപോലെ റദ്ദാക്കിയത് വലിയ വിവാദമായിരുന്നു. ചിത്രീകരണത്തിനായി സെറ്റിൽ എത്തിയശേഷമാണ് തെന്ന ഫോണിൽ വിളിച്ച് ഷൂട്ടിങ് റദ്ദാക്കിയ വിവരം അറിയിച്ചതെന്ന് മനോജ് തിവാരി കുറ്റപ്പെടുത്തി. ഷാരൂഖ് ഖാൻ, അർജുൻ രാംപാൽ, അർജുൻ കപൂർ, അനിൽ കപൂർ എന്നിവരുടെ ഷോകളും ഇതുപോലെ റദ്ദാക്കിയ ചരിത്രമുണ്ട് കപിൽ ശർമയ്ക്ക്. കപിലിന്റെ ധിക്കാരപരമായ സമീപനമാണ് ഇവരിൽ പലരെയും ചൊടിപ്പിച്ചതെന്നാണ് റിപ്പോർട്ട്.

from movies and music rss http://ift.tt/2gm21Zq
via IFTTT