സെല്‍ഫി പ്രേമം; പൂജാരിക്ക് ജയ ബച്ചന്റെ ശകാരം

പൂജാരിയാണ്, ചെയ്യുന്നത് പൂജയാണെന്ന് പറഞ്ഞിട്ടൊന്നും കാര്യമല്ല. ബോളിവുഡിന്റെ താരറാണിമാരെ ഒന്നിച്ച് കണ്ടാൽ ആരും നിലമറന്നുപോവും. അതേ മുംബൈയിലെ ഒരു പൂജാരിയും ചെയ്തുള്ളൂ. ഇതിന് പക്ഷേ, നല്ല ഒന്നാന്തരം ശകാരം തന്നെ കേൾക്കേണ്ടിവന്നു പാവം പൂജാരി. ബിഗ് ബിയുടെ ഭാര്യ ജയ ബച്ചന്റെ വകയായിരുന്നു ശകാരം. ഇഷാ ഡിയോളിന്റെ ബേബി ഷവർ ചടങ്ങിനിടെയായിരുന്നു സംഭവം. ബേബി ഷവറിന് ജയ ബച്ചനും ഹേമ മാലിനിയും അടക്കം ബോളിവുഡിലെ പഴയ കാലത്തെയും പുതിയ കാലത്തെയും തൻ താരനിര തന്നെയുണ്ടായിരുന്നു. ഇത്രയും താരങ്ങളെ ഒന്നിച്ച് കണ്ടപ്പോൾ പൂജ തൽകാലം ഒന്ന് നിർത്തി ബോളിവുഡ് സുന്ദരിമാർക്കൊപ്പം കുറച്ച് സെൽഫിയെടുക്കാൻ ശ്രമിക്കുകയായിരുന്നു പൂജാരി. പക്ഷേ, സംഗതി പാളിപ്പോയി. പൂജാരിയുടെ സെൽഫിയെടുക്കൽ തിരക്ക് കണ്ടപ്പോൾ ജയ ബച്ചന് ശരിക്കും നിയന്ത്രണം വിട്ടു. തന്റെ പതിവ് ശൈലിയിൽ ഒട്ടും മയമില്ലാതെ കണക്കിന് പറഞ്ഞു പൂജാരിയോട് ജയ. നിങ്ങൾ പൂജയിൽ ശ്രദ്ധിക്കൂ. സെൽഫിയൊക്കെ പിന്നെയടുക്കാമെന്നായിരുന്നു ജയയുടെ ആക്രോശം. പൂജാരി ഏതായാലും ഓടി രക്ഷപ്പെട്ട് പൂജയിൽ മുഴുകി. പൊട്ടിച്ചിരിയോടെയാണ് മറ്റ് താരങ്ങൾ ഈ രംഗം കണ്ടുനിന്നത്. നേരത്തെ മരുമകൾ ഐശ്വര്യയെ ഐഷ് എന്നു വിളിച്ചതിന് ഒരു മാധ്യമപ്രവർത്തകനെ കണക്കിന് ശകാരിച്ചിരുന്നു ജയ. അവൾ നിങ്ങളുടെ സഹപാഠിയാണോ? മര്യാദയ്ക്ക് പേരു വിളിക്കൂ എന്നായിരുന്നു ജയ ആവശ്യപ്പെട്ടത്.

from movies and music rss http://ift.tt/2w9mLc4
via IFTTT