'ചിദംബരം അറസ്റ്റിലായത് അദ്ദേഹം മന്ത്രിയായിരുന്നപ്പോള്‍ ഉദ്ഘാടനം ചെയ്ത സിബിഐ ആസ്ഥാനത്ത്'

ഐ.എൻ.എക്സ്. മീഡിയ കേസിൽ മുൻ കേന്ദ്രമന്ത്രി പി. ചിദംബരം അറസ്റ്റിലായ സംഭവത്തെ പ്രശംസിച്ച് സംവിധായകൻ രാം ഗോപാൽ വർമ്മ. ജനാധിപത്യത്തിന്റെ ഉത്തമോദാഹരണമാണ് ചിദംബരത്തിന്റെ അറസ്റ്റെന്ന് അദ്ദേഹം ട്വിറ്ററിൽ കുറിച്ചു. ജനാധിപത്യത്തിന്റെ ഉത്തമോദാഹരണമാണ് ചിദംബരത്തിന്റെ അറസ്റ്റ്. ഏറ്റവും വലിയ തമാശയെന്തെന്നാൽ ആഭ്യന്തര മന്ത്രിയായിരിക്കുന്ന കാലത്ത് അദ്ദേഹം തന്നെ ഉദ്ഘാടനം ചെയ്ത സി ബി ഐ ആസ്ഥാനത്തു വച്ചു തന്നെയാണ് അദ്ദേഹം അറസ്റ്റിലായിരിക്കുന്നത്. ആരും നിയമത്തിനു ഉപരിയല്ലെന്ന് മോദിയുടെ ഇന്ത്യ പിന്നെയും പിന്നെയും തെളിയിച്ചുകൊണ്ടിരിക്കുകയാണ്. ആർജിവി ട്വീറ്റ് ചെയ്തു. രാം ഗോപാൽ വർമ്മ ഇതിനു മുമ്പും പ്രധാനമന്ത്രിയെ പ്രശംസിച്ചു കൊണ്ട് രംഗത്തു വന്നിരുന്നു. താൻ രാഹുൽ ഗാന്ധിയെയല്ല, നരേന്ദ്രമോദിയെയാണ് പിന്തുണയ്ക്കുന്നതെന്ന് പല അഭിമുഖങ്ങളിലും അദ്ദേഹം തുറന്നു പറഞ്ഞിട്ടുണ്ട്. ചിദംബരത്തിന്റെ മുൻകൂർ ജാമ്യാപേക്ഷ വെള്ളിയാഴ്ച സുപ്രീം കോടതി പരിഗണിക്കാനിരിക്കെയായിരുന്നു സിബിഐയുടെ നടപടി. സി.ബി.ഐ പ്രത്യേക കോടതി അദ്ദേഹത്തെ നാല് ദിവസത്തെ സി.ബി.ഐ കസ്റ്റഡിയിൽ വിട്ടു. ഒന്നര മണിക്കൂർ നീണ്ട വാദത്തിന് ശേഷമാണ് കോടതി ചിദംബരത്തിന് ജാമ്യം നിഷേധിച്ചത്. Content Highlights : Ram Gopal Varma tweet about P Chidambaram arrest

from movies and music rss https://ift.tt/2TVWTuC
via IFTTT