ലാലിന് എന്തും കഴിയും, അതിശയകരമായ ഈ തുടക്കത്തിന് എല്ലാ വിജയങ്ങളും നേരുന്നു: സുരേഷ് ഗോപി

നടൻ മോഹൻലാലിന്റെ കന്നി സംവിധാന സംരംഭമായ ബറോസിന് ആശംസകൾ നേർന്ന് സുരേഷ് ​ഗോപി. "അദ്ദേഹത്തിന് അഭിനയിക്കാൻ കഴിയും, പാടാൻ കഴിയും, ശരീരം നന്നായി ചലിപ്പിക്കാൻ കഴിയും, ഒപ്പം തന്റെ കഴിവിനെ സമ്പന്നമാക്കുന്നതിന് എന്ത് വേണമെങ്കിലും ചെയ്യാൻ കഴിയും. ഇന്ന്, അദ്ദേഹം ഒരു സംവിധായകനെന്ന നിലയിൽ ഒരു പുതിയ യാത്ര ആരംഭിക്കാൻ ഒരുങ്ങുകയാണ്. ഈ അതിശയകരമായ തുടക്കത്തിന്, എന്റെ പ്രിയപ്പെട്ട ലാലിന് എല്ലാ വിജയങ്ങളും നേരുന്നു. കൂടാതെബറോസിന്റെ മുഴുവൻ അഭിനേതാക്കൾക്കും അണിയറപ്രവർത്തകർക്കും എന്റെ സ്നേഹം അറിയിക്കുന്നു. പ്രത്യേകിച്ച് ജിജോ പുന്നൂസിനും ആന്റണി പെരുമ്പാവൂരിനും സന്തോഷ് ശിവനും.." മോഹൻലാലിനൊപ്പമുള്ള ചിത്രം പങ്കുവച്ച് സുരേഷ് ​ഗോപി കുറിച്ചു.. He can act, he can sing, he can move his body well and can do whatever it takes to enrich his calibre! Today, hes all... Posted by Suresh Gopi onTuesday, 23 March 2021 മാർച്ച് 24ന് ബറോസിന്റെ ചിത്രീകരണം ആരംഭിക്കുമെന്ന് കഴിഞ്ഞ ദിവസം മോഹൻലാൽ അറിയിച്ചിരുന്നു. പാസ് വേഗ, റാഫേൽ അമാർഗോ എന്നീ സ്പാനിഷ് താരങ്ങളും സിനിമയിൽ അഭിനയിക്കുന്നുണ്ട്. ബറോസിൽ വാസ്കോ ഡ ഗാമയുടെ വേഷത്തിലാണ് റാഫേൽ അഭിനയിക്കുക. ഭാര്യയായി പാസ് വേഗയും. സ്പാൻഗ്ലിഷ്, ഓൾ റോഡ്സ് ലീഡ്സ് ടു ഹെവൻ, റാംബോ: ലാസ്റ്റ് ബ്ലഡ് എന്നീ സിനിമകളിലൂടെ ശ്രദ്ധിക്കപ്പെട്ട നടിയാണ് പാസ് വേഗ. പൃഥ്വിരാജും ചിത്രത്തിൽ പ്രധാന കഥാപാത്രമായി എത്തുന്നു കുട്ടികൾക്കായുള്ള ഫാന്റസി 3ഡി സിനിമയായിരിക്കും ബറോസ്. നവോദയ ജിജോ തിരക്കഥ രചിക്കുന്നു. നിർമ്മാണം ആന്റണി പെരുമ്പാവൂരാണ്. ഛായാഗ്രഹണം സന്തോഷ് ശിവൻ.ലിഡിയൻ നാദസ്വരമാണ് സം​ഗീതം ബോളിവുഡിൽ നിന്നുള്ള അഭിനേതാക്കളും വിദേശതാരങ്ങളും സിനിമയിലെത്തും. ഗോവ, പോർച്ചുഗീസ് തുടങ്ങിയ സ്ഥലങ്ങളായിരിക്കും പ്രധാന ലൊക്കേഷനുകൾ. Content Highlights : Suresh Gopi Wishes Mohanlals directorial debut Barroz Movie Santhosh Sivan Jijo Navodaya

from movies and music rss https://ift.tt/2QAjKyg
via IFTTT