ഞണ്ടുകളുടെ നാട്ടിലേക്ക് അഹാന ആദ്യം ഇല്ലെന്ന് പറഞ്ഞു, കാരണമിതായിരുന്നു

ഞണ്ടുകളുടെ നാട്ടിൽ ഒരിടവേള എന്ന ചിത്രത്തിൽ അഭിനയിക്കാൻ ആദ്യം താൻ തയ്യാറായില്ലെന്ന് അഹാന കൃഷ്ണ. ഒരു തമിഴ് മാധ്യമത്തിന് നൽകിയ അഭിമുഖത്തിലാണ് അഹാനയുടെ വെളിപ്പെടുത്തൽ. നിവിന്റെ സഹോദരിയുടെ കഥാപാത്രമായിരുന്നു എന്നെ തേടിയെത്തിയത്. ഞാൻ ആദ്യം താൽപര്യമില്ലെന്ന് പറഞ്ഞു. എന്നാൽ കഥ പൂർണമായി കേട്ടപ്പോൾ എനിക്ക് ഇഷ്ടം തോന്നി. അങ്ങിനെ അത് ചെയ്യാമെന്ന് തീരുമാനിക്കുകയായിരുന്നു- അഹാന പറഞ്ഞു. മികച്ച അവസരങ്ങൾ ലഭിക്കുകയാണെങ്കിൽ തമിഴ് സിനിമയോടും താൽപര്യമുണ്ടെന്ന് അഹാന വ്യക്തമാക്കി. അജിത്, സൂര്യ, വിജയ് എന്നിവർക്കൊപ്പം അഭിനയിക്കുന്നത് എന്റെ സ്വപ്നമാണ്- അഹാന കൂട്ടിച്ചേർത്തു. രാജീവ് രവി സംവിധാനം ചെയ്ത ഞാൻ സ്റ്റീവ് ലോപ്പസിലൂടെയാണ് അഹാന മലയാളത്തിൽ അരങ്ങേറ്റം കുറിച്ചത്. നടൻ കൃഷ്ണ കുമാറിന്റെ മൂത്ത മകളാണ്.

from movies and music rss http://ift.tt/2iHsO33
via IFTTT