'ഭാമ തീരെ ഫ്രണ്ട്‌ലിയല്ല എന്ന ചീത്തപ്പേര് മാത്രമേ എനിക്ക് കേള്‍ക്കേണ്ടി വന്നിട്ടുള്ളൂ.'

ലോഹിതദാസ് ചിത്രമായ നിവേദ്യത്തിലൂടെ മലയാളിത്തമുള്ള മറ്റൊരു നായികാമുഖമായി സിനിമാ ലോകത്തെത്തിയ നടിയാണ് ഭാമ. കുട്ടിക്കാലം തൊട്ടേ ഗായികയായി അറിയപ്പെടാനുള്ള മോഹം മനസിൽ കൂടു കൂട്ടിക്കിടക്കുന്നതിനാൽ നിവേദ്യത്തിലേക്ക് അവസരം ലഭിച്ചപ്പോൾ ലോഹിതദാസിനോട് സംഗീതമോഹം തുറന്നു പറഞ്ഞു. അഭിനയം കൂടി കണ്ടപ്പോൾ അദ്ദേഹവും പറഞ്ഞു, ഇനി ഇതു മതി.. ഇന്നു മലയാളവും കടന്ന്, തെന്നിന്ത്യ മുഴുവൻ അറിയപ്പെടുന്ന കലാകാരിയായി മാറിയ ഭാമ എന്നാൽ കുറച്ചു നാളുകളായി സിനിമാതിരക്കുകളിൽ നിന്നും വിട്ടു നിൽക്കുകയാണ്. സിനിമയെക്കുറിച്ചും സിനിമക്കപ്പുറത്തുള്ള തന്റെ ഇഷ്ടങ്ങളെക്കുറിച്ചും ഭാമ സ്റ്റാർ ആന്റ് സ്റ്റൈലിനു നൽകിയ അഭിമുഖത്തിൽ നിന്ന്. "ജീവിതത്തിന്റെ യാഥാർഥ്യം അറിഞ്ഞു കൊണ്ടാണ് ഞാൻ സിനിമയിലെത്തിയത്. നിവേദ്യം ഷൂട്ടിംഗ് കഴിഞ്ഞ് പാക്കപ്പ് ചെയ്യുമ്പോൾ ലോഹിയേട്ടൻ ഞങ്ങളെയെല്ലാം വിളിച്ചു പറഞ്ഞു.സിനിമയിൽ മുന്നോട്ടു പോകുമ്പോൾ ശ്രദ്ധിക്കണം. ഈ സെറ്റ് പോലെയായിരിക്കില്ല മറ്റു സൈറ്റുകൾ. എല്ലാവരിൽ നിന്നും സുരക്ഷിതമായ അകലം വെച്ച് മുന്നോട്ടു പോകണം. അത് വലിയ പാഠമായിരുന്നു. അതു കൊണ്ട് ഭാമ തീരെ ഫ്രണ്ട്ലിയല്ല എന്ന ചീത്തപ്പേര് മാത്രമേ എനിക്ക് കേൾക്കേണ്ടി വന്നിട്ടുള്ളൂ." ഡബ്ലിയു.സി.സിയും താരസംഘടനയായ എ എം എം എയുമായുള്ള വിഷയങ്ങളെക്കുറിച്ചും താരം പ്രതികരിച്ചു. "ഡബ്ല്യു.സി.സി പറയുന്ന കുറേ കാര്യങ്ങൾ മനസ്സിലാക്കേണ്ടതുണ്ട്. ഇന്നും സിനിമാസൈറ്റുകളിൽ പ്രാഥമിക സൗകര്യങ്ങൾക്കുള്ള സുരക്ഷിതമായ സ്ഥലമില്ല. ആവശ്യപ്പെട്ടാൽ മാത്രമേ സീനിയർ ആർട്ടിസ്റ്റുമാർക്കു പോലും കാരവാൻ അനുവദിക്കാറുള്ളൂ. പുതിയ ലക്കം സ്റ്റാർ ആന്റ് സ്റ്റൈൽ വാങ്ങിക്കാം ഈ ബ്രേക്ക് എന്നെ ഒരുപാട് cleanse ചെയ്തിട്ടുണ്ട്. എന്റെ അഭിരുചിയിലും ചിന്തകളിലും മാറ്റം വരുത്തിയിട്ടുണ്ട്. ഇനിയും ഒരുപാട് ചെയ്യാനുണ്ടെന്ന തിരിച്ചറിവ് ഉണ്ടായിട്ടുണ്ട്. അത്തരം നല്ലൊരു ചിത്രത്തിനു വേണ്ടി കാത്തിരിക്കുകയാണ് ഞാൻ. രണ്ടാംവരവിൽ ഉജ്ജ്വലമാക്കാം എന്ന കോൺഫിഡൻസ് കിട്ടിയിട്ടുണ്ട്." അഭിമുഖത്തിന്റെ പൂർണ രൂപം ഡിസംബർ ലക്കം സ്റ്റാർ ആന്റ് സ്റ്റൈലിൽ വായിക്കാം

from movies and music rss https://ift.tt/2QUhh0g
via IFTTT