ക്ലാസും മാസും ചേർന്ന 80 മിനിറ്റ്, പ്രകമ്പനം കൊള്ളിക്കാൻ അല്ലു അർജുന്റെ പുഷ്പ

അല്ലു അർജുൻ നായകനാവുന്ന പുഷ്പയുടെ ടീസർ പുറത്തിറങ്ങി. താരത്തിന്റെ പിറന്നാളിനോടനുബന്ധിച്ചാണ് ടീസർ പുറത്തിറക്കിയിരിക്കുന്നത്. അല്ലുവിന്റെ ആക്ഷൻ രം​ഗങ്ങളാണ് ടീസറിന്റെ ഹൈലൈറ്റ്. ചന്ദനക്കടത്ത് പ്രമേയമാവുന്ന ചിത്രത്തിലെ അല്ലു അർജുന്റെ വ്യത്യസ്തമായ ​ഗെറ്റപ്പ് നേരത്തേ തന്നെ ചർച്ചയായിരുന്നു. ഫഹദ് ഫാസിലാണ് വില്ലൻ വേഷത്തിൽ. കന്നഡ നടൻ ഡോളി ധനഞ്ജയും മറ്റൊരു പ്രധാനവേഷത്തിലുണ്ട്. രശ്മിക മന്ദാനയാണ് നായിക. ആര്യ, ആര്യ-2 എന്നീ ചിത്രങ്ങൾക്ക് ശേഷം അല്ലു അർജുനെ നായകനാക്കി സുകുമാർ സംവിധാനം ചെയ്യുന്ന ചിത്രമാണ് പുഷ്പ. ദേവി ശ്രീ പ്രസാദ് സം​ഗീതവും മിറോസ്ലോവ് ക്യൂബ ബ്രോസെക് ക്യാമറയും കൈകാര്യം ചെയ്യുന്നു. നവീൻ യെരേനി, വൈ. രവിശങ്കർ എന്നിവർ ചേർന്ന് നിർമിക്കുന്ന ചിത്രം മലയാളം, തമിഴ്, ഹിന്ദി, കന്നഡ ഭാഷകളിൽ മൊഴിമാറ്റിയും പ്രദർശനത്തിനെത്തും.

from movies and music rss https://ift.tt/3wzU7y1
via IFTTT