ധനുഷ്-ഐശ്വര്യ വിവാഹമോചനം; ഇരുവരെയും ഒന്നിപ്പിക്കാന്‍ ശ്രമവുമായി രജിനി

നടൻ ധനുഷും സംവിധായിക ഐശ്വര്യ രജനികാന്തും കുറച്ച് ദിവസങ്ങൾക്ക് മുൻപാണ് വേർപിരിയുന്നുവെന്ന വാർത്ത പുറത്ത് വന്നത്. ഇരുവരും സാമൂഹിക മാധ്യമങ്ങളിലൂടെയാണ് വിവരം പങ്കുവച്ചത്. ദമ്പതിമാർ എന്ന നിലയിൽ ഐശ്വര്യയും താനും പിരിയുന്നതിനും സമയമെടുത്ത് വ്യക്തികളെന്ന നിലയിൽ ഞങ്ങളെ നന്നായി മനസ്സിലാക്കാനും തീരുമാനിച്ചുവെന്നുമാണ് ധനുഷ് വ്യക്തമാക്കിയത്. ഐശ്വര്യയുടെയും ധനുഷിന്റെയും തീരുമാനത്തിൽ ഐശ്വര്യയുടെ പിതാവ് രജിനികാന്ത് അസംതൃപ്തനാണെന്ന തരത്തിലുള്ള റിപ്പോർട്ടുകളാണ് ഇപ്പോൾ പുറത്ത് വരുന്നത്. ഇരുവരെയും ഒന്നിപ്പിക്കാനുള്ള ശ്രമങ്ങൾ രജിനി നടത്തുകയാണെന്നും കുടുംബത്തോടടുത്ത വൃത്തങ്ങൾ പറയുന്നു. ഐശ്വര്യയും ധനുഷും തമ്മിൽ കടുത്ത അഭിപ്രായ വ്യത്യാസങ്ങളോ വഴക്കോ ഇല്ല. അത് പരിഹരിക്കാൻ കഴിയുമെന്ന പ്രതീക്ഷയിലാണ് കുടുംബാംഗങ്ങൾ. ധനുഷിന്റെ പിതാവ് കസ്തൂരിരാജ വിവാഹമോചനത്തെക്കുറിച്ച് കുറച്ച് ദിവസങ്ങൾക്ക് മുൻപ് പ്രതികരിച്ചിരുന്നു. ഇവർ വിവാഹമോചിതരാകുമെന്ന് പറയുന്നത് വാസ്തവമല്ലെന്നാണ് കസ്തൂരി രാജ പറഞ്ഞത്. ഡെയിലി തന്തി ദിനപത്രത്തിന് നൽകിയ അഭിമുഖത്തിലാണ് കസ്തൂരി രാജയുടെ പരാമർശം. അവർ പിരിയുന്നത് ചെറിയ അഭിപ്രായ വ്യത്യാസങ്ങൾ കാരണമാണ്. അത് ഒരു കുടുംബത്തിൽ ഭാര്യയും ഭർത്താവും തമ്മിലുള്ള സ്വാഭാവികമായ പ്രശ്നങ്ങളാണ്. പ്രത്യക്ഷത്തിൽ വിവാഹമോചനമല്ല. ധനുഷും ഐശ്വര്യയും ഇപ്പോൾ ചെന്നൈയിലില്ല, ഹൈദരാബാദിലാണ്. ഇരുവരെയും ഞാൻ ഫോണിൽ വിളിച്ചിരുന്നു- കസ്തൂരി രാജ പറഞ്ഞു. 2004 നവംബർ 18-നായിരുന്നു ഐശ്വര്യയുടെയും ധനുഷിന്റെയും വിവാഹം. രണ്ട് ആൺകുട്ടികളാണ് ഇരുവർക്കുമുള്ളത്. Content Highlights:Rajinikanth Affected By Aishwaryaa Dhanush divorce trying to mend the marriage

from movies and music rss https://ift.tt/35ufN5J
via IFTTT